Бројни ѕвезди од светот на шоу-бизнисот синоќа слетаа во Монте Карло за да присуствуваат на гала организирана од принцот Алберт и принцезата Шарлин.
Кејт Бекинсејл привлекуваше големо внимание додека чекореше на синиот тепих на „Monte Carlo Gala for Planetary Health“. На свеченоста, 47-годишната актерка изгледаше како модна божица во бело-златна креација од Жорж Чакра.
Целта на галата е да се истакне идејата дека нашата иднина зависи од здравјето на нашите екосистеми. На неа се дискутираше за предизвиците со кои се соочува нашата планета и се собираа средства за Фондацијата на принцот Алберт, која е посветена на зачувување на околината на глобално ниво.
