Наоми Кембел намами многу славни манекенки и холивудски ѕвезди да ѝ се придружат на ревијата организирана за помагање на жртвите од катастрофалниот земјотрес во Јапонија. Хуманитарната ревијата беше одржана вчера во рамките на Канскиот филмски фестивал.
Секоја од учесничките сакаше да се претстави што поблескаво на пистата, но три од нив имаа мали проблеми за време на модната прошетка.
Една од манекенките трипати се заниша и успеа да се задржи, а друга падна и веднаш се исправи. Но, најголеми проблеми имаше 17-годишната Линдзи Виксон која падна трипати едноподруго.
На ревијата 41-годишната Кембел се појави 3 пати, облечена во креации на Alexander McQueen, Yves Saint Laurent и Marchesa.
Освен Наоми, на пистата прошетаа и Каролина Куркова, Јасмин Ле Бон, Росарио Досон и 73-годишната Џејн Фонда.
Погледнете го видеото со незгодите на манекенките:
