Наоми Кембел и нејзината мајка Валери Морис се дел од новата божиќна кампања на Burberry.
48-годишниот супермодел и 67-годишната поранешна танчарка и модел снимија рекламно видео и фотосесија за познатиот британски бренд.
„Да се биде дел од празничната кампања беше неверојатно. Отсекогаш сум го сакала Burberry и возбудена сум што работев заедно со екипа која ја вклучува и мајка ми, Валери. Работењето со неа ми врати толку многу спомени за празниците и традициите кои ги имавме додека растев“ – изјавила Кембел.
Поради добрите гени, многумина коментираа дека Наоми и Валери изгледаат како сестри.
Погледнете го и рекламното видео насловено „Затвори ги очите и помисли на Божиќ“:
Во кампањата се појавуваат и M.I.A и актерите Кристин Скот-Томас и Мет Смит.
