Зухаир Мурад се наврати во далечното минато за да открие нов наплив на инспирација. Популарниот дизајнер пронајде нова „муза“ во Феникија, древната цивилизација која виреела и на територијата на денешен Либан, кој е всушност родината на Мурад.
Софистицираност која се асоцира со богови, елеганција која ќе биде високо оценета од дамите со префинето стилско изразување и гламур типичен за ателјето на Мурад... колекцијата ресорт 2025 го заслужува секој поглед.
Со луксузни ткаенини, комплексни детали и атрактивни силуети, славниот креатор ги преточува неговите визии во стилска реалност која фасцинира за секунда.
