Романтична и софистицирана колекција венчаници ги разгорува љубопитството и фантазиите на идните македонски невести. Антонија Ристовска ја претстави колекцијата 2018 со елегантна фотосесија.
„Инспирирана од винтиџ модата и посакуваниот ретро стил, во создавањето на новата колекција ја пренесов ретро нишката и ѝ дадов младешки призвук и урбана нота. Раскошот од богати везови изработени од бисери, кристали и мониста на материјалите го будат чуството на единственост и гламур, а воедно богатите текстури и слоевитоста на материјалите и понатаму ја задржуваат леснотијата при носење на венчаницата“ - вели Ристовска за колекцијата која е насловена „White Ivy“.
За фотографиите биле ангажирани моделите Сара Цветанова и Сандра Цветкова, кои позираа пред фотографското дуо Ани и Дими.
