Новогодишната ноќ е идеална за забава и за поминување една вечер во која ќе го покажете својот уникатен стил. Ако другите излегувања во текот на годината може да поминат со прилично типичен аутфит, новогодишната ноќ мора да биде посебна.
Токму затоа сите сакаат нова облека за „најлудата ноќ“. Ако и вие сте една од оние личности што со нетрпение ја очекуваат и со задоволство размислуваат за облеката и стајлингот за тие моменти, тогаш оваа статија е за вас.
Продавниците за облека нудат речиси сè на што ќе помислите, но потребна ви е само една комбинација што вистински ќе ја истакне вашата личност. Погледнете и на онлајн платформите за купување, како што е Ananas и одберете го совршениот комплет.
1. Миди-здолниште со црн тул
Се сеќавате ли на фустанот од тул на Кери Бредшо онаа фамозна Нова година? Тој стил остана засекогаш врежан во нашите срца, а со понудата што ја имаме во нашите продавници, лесно можете да го рекреирате тој стил и да изгледате филмски оваа новогодишна вечер.
Одберете црно миди-здолниште од тул и комбинирајте го со маичка со куси ракави. Ваквиот стил е едноставен, но исклучително елегантен. Додајте соодветни потпетици и плик-чанта и подготвени сте за луда забава. Многумина високите потпетици во текот на ноќта ќе ги заменат со удобни балетанки, па доколку имате можност, сторете го и вие тоа бидејќи и балетанките одат одлично со ваквиот стил.
2. Фустан во кој ќе личите на принцеза
За најлудата ноќ одберете фустан во кој ќе изгледате како принцеза, а доколку имате желба, додајте и круна, без да се двоумите дали е тоа исправно или не. Оваа вечер сè е дозволено, па не грижете се што ќе мислат другите бидејќи вие сте таа што треба да се чувствува посебно, уникатно и величествено.
Во огромната понуда на фустани сигурно се крие тој што ќе биде идеален за вас. Побарајте долг и елегантен фустан. Ракавите се по ваш избор – може да бидат куси и тесни или долги и широки, но задолжително комбинирајте ги со соодветен колан и накит. Облечете високи салонки кои ќе ги истакнат и фустанот и вашата фигура.
3. Привлечете внимание со контрастни бои
Доколку ви се допаѓа идејата сите очи на забавата да бидат свртени кон вас, но, сепак, да не изгледате невкусно, размислете за комбинација од хеланки со кошула, фустанче или маичка во контрастни бои. Добрата работа во новогодишната забава е што можете да експериментирате и тоа да помине без проблем.
Одберете дречливи црвени хеланки и црно впечатливо фустанче. Додајте лесни балетанки или чевли со кои ќе уживате во часовите поминати во танцување на подиумот. Вашата појава со сигурност ќе остане забележана покрај многуте девојки што вложиле огромен труд за да изгледаат совршено, додека вие го освојувате просторот со едноставна комбинација.
4. Аутфит што блеска од петици до глава
Како што веќе рековме, Нова година е вечерта во која сè е дозволено. Разбудете ја дискокралицата во вас и дозволете сите да го видат вашиот стил. Не оставајте да бидете незабележани, туку напротив – бодете им очи на сите со вашиот избор на облека.
Одберете фустан со шљокици кој ќе ја одразува светлината на диско топката или одберете удобна облека во која ќе танцувате лесно, но комбинирајте ја со палто што ќе ја разбуди диско кралицата во вас. Сепак е Нова година – додајте некој специфичен детаљ.
5. Мини-здолниште и високи потпетици за тие со разгорен дух
Младите девојки и храбрите жени што сакаат да го освојат срцето на личноста што ќе биде со нив за Нова година може да носат провокативно мини-здолниште со високи потпетици. Сите знаеме дека ваквиот стил веднаш ги крши машките срца, па ова е идеална можност да го сторите тоа.
Одберете кратко црно здолниште и комбинирајте го со класична блуза или кошула во која било боја. Облечете високи потпетици што ќе одговараат на стилот и комбинацијата од бои и бидете сигурни дека вашата појава никого нема да го остави рамнодушен.
Комерцијален текст
