Блогерка со седа коса нуди совети за убавина и софистицирани модни комбинации за жени над 40 години, мамејќи воздишки со изгледот.
Никол Џонсон Санчез привлекува внимание со дамските модни комбинации и позитивната енергија која ја шири преку својот Instagram профил. 47-годишната Американка со грчко потекло се инспирира од силни жени кои ги менуваат перцепциите на општеството за убавината и старењето.
„Ме инспирираат жени со класичен, софистициран и безвременски изглед, како и жени кои ја прифаќаат нивната седа коса и го менуваат начинот на кој општеството гледа на жените и стареењето“ – вели таа.
„Давам совети за физичка активност над 40 години. Тука не станува збор за натпреварување со социјалните мрежи и со девојките кои се 20 години помлади, туку станува збор за славење на твојата возраст и за тоа да се биде благодарен и посветен“ – пишува Никол.
Шармантната блогерка со години отворено зборуваше за неплодноста и за нејзиниот трнлив пат, сакајќи да стане мајка. По четири години поминати во примање хормони и неуспешни инвитро постапки, таа ја прифатила реалноста и одлучила да се фокусира на нејзината среќа.
„На моето последно неуспешно инвитро, ѝ реков на медицинската сестра: ‘Слушни ме, јас не сум таа девојка што ќе седи во овој кабинет и ќе чека да види две розови линии. Доста е’. Излегов од таа клиника со крената глава и со мисија да си ги вратам среќата и животот назад. Предизвиците нè прават она што сме. Ако не поминев низ неплодност, немаше да запознаам толку многу силни и неверојатни жени низ целиот свет. Истото е и со мојата седа коса. Бев толку уморна од борбата, па кога мојата седа коса започна да се појавува на четвртиот инвитро циклус, едноставно ја прифатив“ – вели таа.
На сите жени им дава еден совет: „Верувајте во себе и одделете си време за да се спознаете себеси“.
