Ѓумбирот често се споменува како моќен афродизијак. Во народната медицина се користи против настинка и проблеми со стомакот.
Освен тоа, научниците тврдат дека ѓумбирот има својство да ја намалува болката, а сега докажаа дека особено помага за намалување на болката во мускулите предизвикана од преголема физичка активност или многу вежбање.
Ѓумбирот ја намалува болката во мускулите со 25%.
Американско истражување, предводено од професорот Патрик О’Конор, покажало дека редовната консумација на ѓумбир ја намалува болката во мускулите за една четвртина.
Во рамките на истражувањето, половина од учесниците примале капсули кои содржеле 2гр. ѓумбир, а другата половина капсули за плацебо ефект. Откако на осмиот ден со подигање на тегови тие си предизвикале умерена болка во мускулите, било мерено нивото на хемикалии коишто се појавуваат за време на мускулната болка. Резултатите покажале дека редовната консумација на ѓумбир ја олеснува болката во мускулите со 25%.
Научниците веруваат дека ѓумбирот содржи супстанции кои влијаат на ист начин врз телото како и некои лекови, меѓу кои и аспиринот.
