По повод Денот на мајката, независната организација „Save the Children“ го објави својот
Според условите за живот на мајките и децата, Македонија е рангирана на 42-ро место од 160 земји.
Ако ги споредите резултатите на Норвешка и Авганистан кои се соодветно на врвот и на дното, ќе бидете запрепастени од големата разлика. Додека во Норвешка на секое породување присуствува специјализиран медицински персонал, во Авганистан медицинско лице е присутно само на 14% од породувањата. Просечната жена во Норвешка има 18 години формално образование и може да очекува да доживее 83-годишна возраст. Дури 82% од Норвежанките користат некаков модерен метод за контрацепција, а само една од 132 жени ќе го изгуби своето дете пред тоа да наполни 5 години.
Во Авганистан, просечната жена има 4 години образование и може да очекува да живее 44 години. Само 16% од жените таму користат модерна контрацепција. Смртната стапка кај децата е многу голема. На секои 4 деца едно умира пред да го прослави својот 5-ти роденден.
Македонија е рангирана на 42-ро место од 160 земји. Во групата на развиени земји таа е на претпоследно место, а зад неа останува само Албанија.
Од земјите во регионот, Хрватска има најдобри услови за живот на мајките и децата и е рангирана на 27-мо место, а зад неа се Бугарија (34), Србија (36) и Босна и Херцеговина (41). Албанија се најде на дното на листата на развиените земји (43), веднаш зад Македонија.
Просечната жена во кај нас живее 77 години, а има 12 години формално образование. По квалитет на живот на децата Македонија е рангирана на 40-то место.
Изненадувачки е податокот за тоа дека македонската жена скоро и не користи модерни средства за контрацепција. Само 10% од Македонките употребуваат некаков метод за контрацепција, што во споредба со 82% на Норвешка е многу малку.
Извештајот се фокусира на недостатокот од здравствени работници во земјите во развој и итната потреба од повеќе женски здравствени работници кои ќе ги спасуваат животите на мајките, новороденчињата и малите деца.
Тажни се податоците дека секоја година:
- 50 милиони жени во земјите во развој раѓаат без помош од медицински персонал;
- 8,8 милиони деца и новороденчиња умираат од болести кои можат лесно да се спречат или излечат;
- 41% од случаите на смрт кај децата се случуваат кај бебињата во првиот месец од нивниот живот;
- 343 000 жени го губат својот живот како резултат на компликации во бременоста или породувањето.
Дури 99% од сите смртни случаи кај мајките и децата се случуваат во земјите во развој.
Ако секоја жена и дете добива барем основна медицинска помош, 250 000 животи на жени и 5,5 милиони детски животи можат да бидат спасени.
Податоци кои секого ќе остават замислен...
