Сакате да побарате нешто од вашиот партнер? Најдобро е да почекате и да го направите тоа во 18 часот. Истражување на Bayer Schering Pharma покажало дека во тоа време од денот мажите се најсклони да ѝ исполнат некоја желба на својата сакана.
Според истражувањето, тогаш можете да побарате да одите на одмор или пак да побарате од својот партнер да заврши некоја домашна обврска и тој најверојатно ќе го прифати вашето барање.
Ако сакате вашиот партнер да заврши некоја домашна обврска, побарајте го тоа од него во 18 часот
Ако пак сакате да расчистите некој проблем преку дискусија, тогаш иницирајте разговор во 15:00. Резултатите од истражувањето покажале дека тоа е периодот од денот кога жените победуваат во расправии.
За да дојдат до овие заклучоци, истражувачите анкетирале над 1000 мажи и жени. Уште еден интересен заклучок е дека ако сакате да побарате покачување на платата, тогаш подобро е да разговарате со шефот во 13 часот, отколку на почетокот на денот.
