Возбудата ги понесува мажите за време на секс и тие често забораваат на потезите кои навистина ја зголемуваат сексуалната возбуда кај жените и ги носат поблиску во „врвот“. Познатото женско списание Cosmopolitan спроведе анкета со цел да ги открие нештата кои жените сакаат нивниот партнер да ги прави в кревет. Еве ги десетте најпопуларни:
- Умерена агресивност. Тоа значи да го гали и држи нејзиното тело цврсто и со самодоверба. На пример, да ѝ ги држи рацете над главата додека се во мисионерска поза.
- Бакнежи за време на секс. Многу мажи престануваат да ја бакнуваат својата партнерка по започнувањето на сексуалниот однос. Но, бакнувањето ја зголемува интимноста, која ја посакува секоја жена.
- Допирање на клиторисот. Повеќето жени не можат да достигнат оргазам без стимулација на клиторисот, па нормално е да посакуваат малку двојно задоволство.
- Оргазам со орален секс. Оргазмот предизвикан од орален секс носи поразлични сензации од пенетрацијата и од оргазмот при стимулација со прсти.
- Подгризнување на вратот. Кожата на вратот е многу чувствителна и затоа бакнувањето и нежното подгризнување може да ја наежи секоја жена.
- „Валкано“ зборување. Сепак, кога станува збор за зборувањето в кревет, мажите не треба да учат од порно филмовите, туку да опишуваат колку се возбудени, колку го посакуваат телото на својата партнерка и сл.
- Нежно влечење за коса. На скалпот има многу нервни завршетоци, а кога жената е возбудена тие се уште почувствителни, па нежното влечење на косата делува стимулирачки.
- Изненадување „набрзина“. Жените сакаат кога нивниот партнер неочекувано ќе скокне за брз секс, затоа што во тој момент се чувствуваат како тој да не може да им одолее.
- Стимулација на Г-точката. Со упатства од страна на својата партнерка, секој маж треба да се труди да пронајде најдобар начин за да ја стимулира нејзината Г-точка.
- Поголемо внимание на градите. Често мажите им обрнуваат многу внимание на женските гради само во текот на предиграта, но не и за време на сексуалниот чин. Допирот на женските гради за време на секс може да резултира со уште поинтензивен оргазам.
