Најл ДиМарко победи во американското шоу „Dancing With The Stars“. Глувиот модел, кој ја освои публиката со привлечниот изглед, длабоките емоции и прекрасното танцување, и неговата партнерка Пита Мургатројд беа прогласени за победници на 22-та сезона од популарното шоу.
Во финалната вечер, 27-годишниот натпреварувач и професионалната танчарка Пита одиграа емотивен танц на песната „The Sound of Silence“ и ја расплакаа публиката.
Видео
Двајцата натпреварувачи добија и пофалби за танцот на хитот „Summer“, а убавите зборови, како и обраќањето на Кери Ен Инаба на знаковен јазик го расплакаа ДиМарко. „Ти благодарам што ни го покажуваш твоето убаво срце додека танцуваш“ – му вели таа.
„Ти ни покажа дека единствените ограничувања се оние кои самите си ги поставуваме“ – вели главниот член на жирито Гудман.
Видеа
Интервјуто по победата
Покрај ДиМарко и Пита, финалисти во шоуто беа и метеорологот Џинџер Зи и нејзиниот партнер Вал Чмерковски, како и американската борачка Пејџ Ванзант и Марк Болас.
