Мајка сподели случка која разбуди силни емоции кај илјадници луѓе.
Сакајќи да ѝ приреди најдобро искуство на својата ќеркичка, таа го поканила целиот клас на нејзиниот роденден. Но, за жал, ниту едно дете или родител не одговорило на поканата. Мајката не се откажала од својата намера да ѝ овозможи незаборавно искуство на својата мала принцеза и напишала објава во локална Facebook група, канајќи деца од нејзината заедница.
За среќа, 20 неверојатни деца со родителите се појавиле на забавата и сите се забавувале со малата славеничка, која си склопила и нови пријателства.
Приказната на социјалните мрежи беше споделена од „Sweet Charlotte's“. Еве ја нивната објава:
Приказна која го топли срцето
Понекогаш, најубавите моменти се случуваат на неочекувани начини. Неодамна, мајка резервираше забава за нејзината неверојатна ќерка, која е невродивергентна. Таа го покани целиот клас на ќерката, но за жал, никој не одговори на поканата. Решена да го направи денот на ќерката специјален, таа се обрати до нејзината локална Facebook група и ја прошири поканата до нејзината заедница.
И погодете што се случи? 20 неверојатни деца се појавија. Тие славеа, играа и се смееја заедно, а нејзината ќерка стекна куп нови пријатели. Тоа беше ден исполнет со радост, љубезност и конекција – прекрасен потсетник на моќта на заедницата.
До таа неверојатна мајка и сите кои се придружија: Ви благодариме што претворивте нешто што можеше да биде предизвикувачки момент во нешто магично.
Нашиот простор е тука за да им помогне на сите деца да се чувствуваат видено, сакано и почитувано.
Под објавата веднаш започнаа да се редат позитивни коментари за мајката и за заедницата, а негативни за родителите кои не одговорија на поканата.
„Зошто се луѓето толку сурови? Од нив учат децата“, „Срамота за родителите кои не одговорија и не се појавија за ова дете. Господ да ги благослови непознатите личности кои го направија тоа“, „Бог да ги благослови семејства кои ѝ го направија денот специјален“, „Што не е во ред со родителите на соучениците? Срамно“, „Сè уште постојат ДОБРИ луѓе на овој свет“, „Потребно е цело село... Секое дете заслужува да биде славено. А ова слатко девојче прави тоа да е лесно“ – ова се само дел од коментарите под објавата.
