Потпирајќи се на мотото #ЗдравјетоПредСе #СпортувајЗаДаБидешЗдрав, танцовите клубови „Брејк а Лег“, „Аква“ и „Ит Да Бит“ од Скопје снимија видео од заедничкиот тренинг што го одржаа на отворено на паркингот на СЦ Борис Трајковски.
Младите ентузијасти изведоа кореографија на хитот „Can't Stop The Feeling“ и ја испратија пораката „Танцувај За Да Бидеш Здрав“.
„Спортувањето и здравиот начин на живот се основните предуслови за подобар имунитет во борбата со корона вирусот. Спортот значи дисциплина, а тоа значи дека нашите членови ги почитуваат сите мерки и протоколи. Досега за 2 и пол месеци немаме ниту еден случај на корона помеѓу нашите членови, што е доказ дека танцот е безбеден спорт и протоколите за кои се изборивме се доволни за заштита на нашите членови и нивните семејства.“
„Мораме да го поттикнеме спортувањето во услови на онлајн настава каде ризикот од појава на физички деформитети значително е зголемен. Ова видео е поддршка до сите танцови клубови во Македонија и светот нивната пожртвуваност во создавањето на здрави генерации“ – се вели во нивното соопштение.
