Џејн Марчевски неодамна ја доби најубавата вест во нејзиниот живот. Таа го победи ракот со кој се бореше три исцрпувачки години.
29-годишната девојка од Калифорнија сподели видео со кое им соопшти на најблиските дека ракот на дојка си замина засекогаш.
„Овојпат засекогаш“ – напиша позитивната девојка во описот на Instagram.
На Џејн ѝ бил дијагностициран рак на дојка во зимата 2017 година, кога ѝ бил пронајден тумор од 4 сантиметри на едната града. Таа помина низ 6 рунди со хемотерапија, а следувале 3 операции, во кои спаѓала и двојна мастектомија.
Во ноември минатата година, прегледите покажале зголемено количество на метастатски тумори во нејзиното тело. 3 големи тумори во белите дробови, бројни мали тумори во црниот дроб, 3 тумори во 'рбетот и безброј тумори низ нејзините ребра... Докторите ѝ прогнозирале само уште 3 месеци живот.
Но, ни тогаш Џејн не се откажа и продолжи да се бори за својот живот.
По макотрпни терапии, денес Џејн може да продолжи да се радува на животот и да го освојува светот со својот музички талент и ведриот дух.
Марчевски постојано споделува видеа во кои ги покажува своите вокални способности. Таа сонува еден ден да стане професионална пејачка.
