Croatia Airlines, хрватскиот национален превозник и членка на групацијата Star Alliance, во викендот кој е пред нас воведува посебна акција со уште поповолни цени на меѓународни авионски билети.
Од петок, 28 септември, до недела, 30 септември 2012, повратни авионски билети за летови од Скопје во европските дестинации на Croatia Airlines (преку Загреб) може да се купат веќе од 139 евра. Во цената на билетот се вклучени аеродромските такси, надомест за издавање на авионскиот билет (TSC), потоа бесплатен превоз на едно парче багаж до 23 кг, храна и пијалоци во авион, печат, а патниците со летање собираат и наградни милји.
Акцијата посебно се однесува на авионските билети купени на интернет страницата www.croatiaairlines.com, а за билетите купени на другите продажни места Croatia Airlines наплатува дополнителни 30 Еур (TSC).
Во оваа посебна понуда на располагање се повратни авиобилети за летови од Скопје (преку Загреб) до Амстердам, Виена, Брисел, Франкфурт, Истанбул, Копенхаген, Лондон, Минхен, Париз, Подгорица, Приштина, Рим, Сараево и Цирих.
Бројот на билети по цена од 139 eвра е ограничен, а билетите треба да се искористат во периодот од 22 Октомври 2012 година до 24 Март 2013 година.
На патниците од Македонија така им се овозможуваат поволни услови за секојдневни летови во Европа (преку Загреб), затоа што авионите на Croatia Airlines директно ги поврзуваат Скопје и Загреб секој ден во неделата.
Вреди да се спомене дека патниците на Croatia Airlines истовремено се и патници на авионската групација Star Alliance, и може да користат и многу други поволности од глобалниот производ на оваа групација.
Повеќе информации за промотивните билети и условите за патување може да се најдат на www.croatiaairlines.com, или да се добијат во преставништвото на Croatia Airlines на Аеродром Александар Велики - Скопје на следните телефонски броеви (2) 3148-390, 3296-969 и 3296-967, и во Контакт центарот на телефон (+385-1) 6676 555.
