Жените знаат да бидат многу непријателски настроени една кон друга. Остри зборови, зајадливи коментари, погледи полни со осудување/завист...
Блогерката Лекси Херик состави листа од нешта кои жените често си ги прават една на друга, а не треба. Прочитајте го нејзиниот текст кој наиде на многу пофалби:
Сериозно, ние сме во ист тим. (И се разбира, не сите жени ги прават овие работи.)
- Нарекување „к*рва“. Остави ги жените да одлучуваат сами за себе и престани да се однесуваш како да имаш право да го искажуваш твоето неодобрување. Еве едно мото по кое треба да живееш: „Не е твоја вагина, не е твоја работа“.
- Коментирање за телото на други жени. Сите коментари допираат в срце и се навистина непотребни.
- Сериозно, самото дофрлување „Боже, колку си слаба“ е исто толку понижувачко колку коментирањето за качените килограми на девојка. Крај!
- Умислено „трчање“ по партнерот на друга жена. Почитувај ги туѓите љубовни врски како што сакаш другите да ја почитуваат твојата.
- Љубомора на туѓите успеси. Биди среќна за другите жени и за постигнувањата за кои напорно работеле.
- Давање двосмислени комплименти. „Твојата коса изгледа одлично! Ќе изгледа уште подобро ако ти е малку пократка?“ Леле, благодарам?
- Обвинување на „другата жена“ кога мажот изневерува. Како прво, можеби другата жена воопшто не знаела дека тој е во врска. Зошто толку многу жени ја мразат „другата жена“, а остануваат во врска со мажот? Мажот е оној кој ти рекол дека те сака, се заколнал дека ќе ти биде верен и кој те предаде. Престани да се одмаздуваш на „другата жена“ и соочи се со реалноста.
- Ширење озборувања.
- Избегнување разговор со жена со која си „на нож“. Зошто понекогаш чувствуваме потреба да му раскажеме на цел свет зошто сме лути некому, само не на личноста на која сме ѝ лути? Оди директно кај изворот и справи се со ситуацијата како возрасна личност.
- Давање на ветување за чување на тајна, а потоа прекажување на тајната на неколкумина. Ако пријателка ти каже нешто доверливо и побара од тебе да бидеш дискретна, покажи ја почитта која таа ја заслужува.
- Натпреварување една со друга. Ние сме во ист тим на овој свет и кога ќе започнеме да се бориме една против друга, ние не правиме ништо друго освен што создаваме смешни поделби.
- Споредување на нашите тела. Отровно е да „измеркаш“ друга жена и започнеш да ја споредуваш со тебе. Сакај се себеси онаква каква што си и не мисли дека треба да изгледаш како некоја друга.
- Критикување на туѓиот карактер. Кога некоја девојка е зборлеста, престани да ја нарекуваш „иритирачка“. Кога некоја девојка е потивка, престани да ја нарекуваш надмена.
- „Правење лице“. Ако имаш проблем со друга жена, едноставно престани да се дружиш со неа. Не се преправај дека си нејзина пријателка за потоа да ѝ се потсмеваш со останатите за тоа колку е одвратна.
- Презирање на момчето на другата. Знам дека е непријатно кога некоја од твоите пријателки ќе започне врска и ќе минува помалку време со тебе поради тоа. Но, единственото нешто што ќе го постигнеш со презирањето на нејзиното момче е оддалечување од неа.
- Непријателство без причина. Ако некој те праша зошто не ти се допаѓа некоја девојка, а ти немаш одговор, таа не ти е непријателка.
- Користење на недостатоците на друга жена за ти да изгледаш подобро. Не ги потценувај одлуките на некоја девојка за да си ја зголемиш самодовербата.
- „Плукање“ по друга жена на социјалните мрежи. Средното училиште заврши. Престари сме за вакви глупости.
Сакајте ги другите жени и бидете сакани од нив, бидејќи кога работиме заедно, ние сме незапирлива сила која не може да биде игнорирана.
