Да се патува со мали деца не е лесно, а мајките многу добро го знаат тоа.
Сепак, Кејси Хаф потсетува дека вреди да се помине низ сите предизвици поврзани со подготовките и остварувањето на патувањата, за да се создадат заеднички спомени со децата. Како мајка на три мали деца, популарната авторка честопати споделува свои гледишта и искуства со останатите родители, потсетувајќи ги дека не се сами во нивните секојдневни борби.
Хаф вели дека предизвиците колку и да изгледаат страшно, мајките секогаш наоѓаат начин да се справат со нив.
„Секое ново нешто звучи страшно додека не го направиме и додека не зачекориме на другата страна малку посилни и малку похрабри. Како што растат нашите бебиња, така растеме и ние“ – пишува таа.
Одете на патување.
Дури и ако тоа е спонтано и ненадејно.
Дури и ако треба да застанете 5.796 пати за мочкање, за пауза за јадење или затоа што им паднал таблетот.
Дури и ако сте обземени од помислата како ќе го чувате семејството безбедно и среќно во нова средина.
Дури и ако часовите поминати во подготовка и планирање се подолги од времето поминато на патувањето.
Дури и ако децата ти се мали и не си сигурна дали всушност ќе се сеќаваат на тоа.
Дури и тогаш...
Направи го тоа за тебе. Направи го за нив. Направи го за твојот брак и за твоето семејство.
Исклучи се и имај вистински разговори. Фокусирај се на нивните насмевки и на начинот на кој нивните очи светкаат кога ќе видат еден целосно нов свет. Изедете многу сладолед и седете во базенот додека не ви се збрчка кожата на прстите.
Создајте спомени додека можете да ги создадете.
Знам дека е напорно мамичке и дека звучи како ПРЕМНОГУ РАБОТА.
Но, сериозно. Едноставно одете на патување.
Ти ветувам дека ќе вреди.
