Меган Маркл и принцот Хари за првпат се појавија во јавност по предавањето на клучевите од имотот „Фрогмор“ во Виндзор.
41-годишната војвотка на Сасекс и 38-годишниот син на кралот Чарлс беа фотографирани во Калифорнија. Тие беа со широки насмевки и видно расположени иако деновиве е актуелна веста дека кралското семејство одлучило да ги протера од поранешниот дом во Британија во кој отсега ќе живее принцот Ендрју, братот на Чарлс.
Меган изгледаше одлично во летен стајлинг кој вклучуваше бела кошула од Anine Bing и кратки панталончиња од Reformation.
Хари и Меган се повлекоа од кралски должности и одлучија да се преселат во САД на почетокот од 2020 година. Тие заедно имаат две деца, принцот Арчи и принцезата Лилибет.
