Меган Маркл и принцот Хари беа дел од фестивалот „Global Citizen“ во Њујорк, каде одржаа говор за рамноправноста при примањето на вакцини против КОВИД-19 и нивната дистрибуција во посиромашните држави.
40-годишната Војвотка на сцената се појави во бела креација од 4.500 долари од Валентино и накит од Картие кој чини околу 35.000 долари.
„Имаме можност да бидеме тука вечерва бидејќи најбрилијантните научници, истражувачи, работници во првите редови и несебичните лидери задолжени за јавното здравје ги ризикуваат своите животи за да ја заштитат нашата глобална заедница. Тие се нашите хуманитарни херои. Откако започна оваа пандемија, разговараме со експертите за тоа како можеме да се вклучиме и да помогнеме во оваа борба.“
„Оваа седмица, разговаравме со независни светски лидери за да разбереме како да достигнеме рамноправност во вакцинацијата и да ставиме крај на оваа светска криза.“
„Но, ние се бориме со нешто повеќе од вирусот. Ова е битка со дезинформации, бирократија, недостиг на транспарентност и недостиг на пристап. Пред сè, ова е криза за човекови права.“
„Секој човек на планетата има основно право да ја добие оваа вакцина. Тоа е поентата, но тоа не се случува. Додека во оваа земја, и во многу други, можете да се вакцинирате речиси насекаде, милијарди луѓе ширум светот не можат“– изјави парот.
