Доењето во јавност сè уште претставува повод за критикување и срамење на жените.
Мајка не остана рамнодушна кога на Facebook виде видео од себе како го дои своето бебе, заедно со критики објавени од страна на жена. Корисничка на социјалната мрежа тајно ја снимала Изабел Ломакс и видеото го постирала со текст:
„Не ја срамам жената која ги дои своите деца. Ја срамам жената која доеше во јавност без почит да се покрие, туку дозволи дојките да ѝ висат (вклучително и брадавиците) за сите да можат да ги видат! ПОКРИЈ СЕ! Не треба да ги покривам очите на син ми и да му објаснувам зошто твоите гради се извадени и искрено, не сакам ни јас да ги видам. Имај малку почит!“.
Ломакс сними TikTok видео како одговор на овој пост. Во него, таа е топлес и го дои своето бебенце, велејќи:
„Не само што оваа жена помина покрај мене многупати со својот син, туку имаше и можност да ми рече нешто. Не дека ќе ми беше гајле или ќе престанев со она што го правев... Наместо тоа, таа избра да објави видео од мене и моето дете на Facebook, јавно за цел свет да види.“
„Што ако некој ти каже дека единствениот начин за да можеш да јадеш на плажа е ако се покриеш со крпа?“
„Следниот пат кога ќе видиш мајка како го дои нејзиното дете на јавно место, покриена или не, кажи ѝ дека врши одлична работа.“
Голем дел од корисниците на TikTok ја пофалија Изабел и ѝ напишаа да продолжи да го храни своето дете каде сака и кога сака.
@izlomax ill leave this here #breastfeeding ♬ original sound - izlomax
