Алина Загитова доминира на мразот на ЗОИ. 15-годишната Русинка со рекорден број поени застана на врвот на табелата по завршувањето на настапите во рамките на кратката програма.
Видео
Грациозната лизгачка освои 82.92 поени со што постави светски рекорд. „Задоволна сум со денешното лизгање и со поените. Надвладеана сум од емоциите. Поставив светски рекорд? Не знаев, но сум многу среќна“ - изјави таа непосредно по феноменалната изведба.
Загитова го скрши светскиот рекорд кој само неколку минути претходно го постави нејзината сонародничка Евгенија Медведева, која е на второ место на табелата.
Победничката ќе биде прогласена в петок откако дамите ќе се натпреваруваат во слободната програма.
