Дијана Мејвер доживува емотивно изненадување секоја година за Денот на вљубените.
77-годишната жена добива букет цвеќе и порака од покојниот сопруг за Св. Валентин шеста година по неговата смрт.
Дијана и Џон се запознале на 16-годишна возраст и биле во брак 47 години. „Имам само едно срце и тоа си ти. Ти секогаш ќе бидеш мојот Валентин. Те сакам Дијана. Со љубов Џон“ – пишува на пораката.
Букетот секогаш е направен од црвени рози и бели кринови. „Рози и кринови, бели кринови. Тие ја прикажуваат нашата љубов еден за друг“ – изјавила Дијана.
„Преку некаква магија, секога година букет цвеќе се појавува пред нашата влезна врата за неа од мојот татко“ – изјавила ќерката Марили.
„Треба да ја видите насмевката која се појавува на нејзиното лице кога ќе пристигнат цвеќињата. Ја облева неверојатна радост. Таа едноставно знае, знае дека тој е таму со неа“ – дополнила ќерката.
„Татко ми многу ја сакаше мајка ми и секогаш велеше дека тие се едно“ – вели Марили и додава: „Вистинската љубов постои. Љубовта може да постои низ животот и смртта. Мојот татко е ултимативниот романтичен тип“.
Дијана и Џон имаат три деца.
