Денес на вечерното небо ќе можете да го видите најубавиот природен огномет оваа година – метеорскиот дожд Персеиди.
Метеорскиот дожд којшто трае веќе подолго време, денес ќе ја достигне својата кулминација и ќе можат да се видат повеќе од 100 метеори на час.
Овој спектакл е наречен Персеиди затоа што метеорите доаѓаат од правецот на соѕвездието Персеј, но можат да се појават на било кој дел од небото.
Топлото време создава идеални услови за набљудување на овој ѕвезден спектакл. Ако немате други планови, одете на некое повисоко место надвор од градот, подалеку од градските светла и уживајте во несекојдневниот дожд.
