Моќни фотографии од близначиња зачнати со инвитро покажуваат низ што минуваат некои жени за да забременат.
На нив, бебенцата формираат половина срце, а остатокот е дополнет со шприцови и лекарства кои мајката морала да ги прими за да успее да забремени. За среќа, радосните родители денес уживаат милувајќи ги своите најсакани чеда.
Вештачкото оплодување било направено од стручниот тим во „Њуборн клиника“ во Скопје.
„Уште една приказна која влева надеж кај секој што посакува бебенце.“
„Пред неполна година трансфериравме две ембриончиња на петиот ден од нивниот развој.“
„Овие близначиња се тие две ембиончиња кои тотално го сменија животот на мама и тато, на позитивно“ – пишуваат од „Њуборн клиника“ во описот на објавените фотографии.
