Почина Барбара Буш, поранешната прва дама на САД

Барбара Буш почина на 92-годишна возраст. Сопругата на поранешниот претседател на САД Џорџ Буш издиша за последен пат вчера во нивниот дом во Хјустон, Тексас.

Здравствената состојба на поранешната прва дама на САД веќе извесен период била влошена, наводно поради хронична опструктивна белодробна болест и конгестивна срцева слабост, но неодамна таа одбила какво било понатамошно лекување.

Барбара и Џорџ Буш на нивната свадба во 1945 година

Барбара и Џорџ Буш беа во брак 73 години. Тие имаат пет деца, 14 внуци и седум правнуци. Парот имаше и ќерка Полин Робинсон (Робин), која почина на тригодишна возраст од леукемија.

„Една од причините поради кои ја донесов најважната одлука во мојот живот, да се омажам за Џорџ Буш, е затоа што тој ме смее. Вистина е, понекогаш се смеевме до солзи, но токму таа заедничка смеа беше она што не поврзуваше најмногу“ – изјавила Барбара во 1990 година.

Барбара беше и прва дама на САД и мајка на претседател на САД. Нивниот син Џорџ В. Буш беше избран за претседател во 2000 година и служеше два мандати како 43-ти претседател на САД.

My dear mother has passed on at age 92. Laura, Barbara, Jenna, and I are sad, but our souls are settled because we know hers was. Barbara Bush was a fabulous First Lady and a woman unlike any other who brought levity, love, and literacy to millions. To us, she was so much more. Mom kept us on our toes and kept us laughing until the end. I’m a lucky man that Barbara Bush was my mother. Our family will miss her dearly, and we thank you all for your prayers and good wishes.

A post shared by George W. Bush (@georgewbush) on Apr 17, 2018 at 6:34pm PDT