На таа кобна ноќ, на 16 март, Јован Костадинов спаси над 20 лица во ужасниот пожар, но изгуби и многу свои другари.
Трогателна фотографија се распространува на социјалните мрежи, а на неа, Јован се прегрнува во својот пријател Павел Христовски, кој за жал загина во дискотеката.
„Состојбата на Јован Костадинов е добра и наскоро херојот на кобната вечер може да биде пуштен на домашно лекување.“
„На фотографијата Јован е со Павел Христовски, близок другар кој за жал беше меѓу настраданите во дискотеката на смртта. Павел имаше 20 години“ – стои на објавата.
19-годишниот Јован од Виница ја натопил својата маица со вода и ја ставил на лицето да се заштити од огнот пред да тргне во херојскиот подвиг и да спаси околу 20 животи. Деновиве граѓаните апелираат тој да биде одликуван за својот хероизам и да добие посебни бенефиции од државата.
За 24 Инфо тој изјавил: „Ги гледаш другарите и другарките како умираат во раце, а не можеш ништо да направиш, ги вадиш само од чадот...“
