Малата Данка од Бор била убиена.
Две лица се уапсени и го признале делото, а во моментов ја водат полицијата кон местото каде што го фрлиле телото на 2-годишното девојче. Оваа вест на пресконференција ја соопшти претседателот на Србија, Александар Вучиќ.
„Имам лоша вест за ова дете, за нашата мала Данка од Бор. Полицијата уапси две лица кои го извршија убиството на малата Данка и колку што знам го признаа делото. Со какви монструми си имаме работа. Сега ги водат до местото каде што го фрлија телото на детето“ – рече тој пред новинарите.
Vučić na vanrednoj sjednici: Djevojčica Danka je ubijena, ubice su uhapšene ... pic.twitter.com/v9tNTkOV7w
— Vijesti.ba (@Vijesti_ba) April 4, 2024
Според информации од српскиот Informer, двајцата мажи возеле многу брзо и ја удриле Данка која во тој момент излегувала од дворот. Наместо да ѝ помогнат, тие го ставиле телото во багажникот и го фрлиле во депонија.
Двете лица се вработени во Водовод. Тие биле приведени во полиција, откако нивниот службен автомобил бил виден во близина на куќата на семејството Илиќ. Најпрво, тие биле пуштени поради недостиг на докази, но по форензичката истрага, биле пронајдени траги од крв во автомобилот.
Лицето со иницијали С.Ј. ја призна вината и откри дека со колегата се договориле детално да го исчистат автомобилот со хемиски средства за да ги отстранат трагите од крв.
Данка исчезна на 26 март околу 13 часот и 45 минути во Банско поле во близина на Бор, за време на посета на семејниот имот. Додека нејзината мајка му давала вода на поголемото дете, Данка исчезнала. Веднаш започна потрагата по неа, а беше активиран и системот „Најди ме“. За жал, исходот е трагичен.
