Ана Костадиновска успеа да се спаси во ужасниот пожар во дискотеката „Пулс“, но дел од нејзиното срце згасна во пламените јазици.
Талентираната пејачка, која беше придружен вокал на бендот ДНК, успеа да смогне сили да се збогува со своите осум починати колеги.
На денот на нивниот погреб, Ана напиша емотивна порака:
„Си замина дел од моето второ семејство. Заедно со нив и душава моја. Остана само пепел и празнина, а кој би рекол дека празнината може толку силно да БОЛИ.“
Ана со тешко срце се збогува и со Сара Пројковска, со која беа многу блиски и заедно придружуваа многу пејачи на нивните концерти.
„Љубовче мое, даденце мое, ангелу мој, душо на мојата душа. Ќе те сакам додека дишам и постојам, а ќе болиш секој ден...“ – стои во пораката на Ана за Сара.
Ана е ќерка на легендарниот композитор Кире Костов и професорката по пијано Кармен Костова. Ова е прва нејзина објава по несреќата.
Фотографија: Ана Костадиновска / Facebook
