Откако стана мета на критики дека ја коригирала фотографијата за Денот на мајката, принцезата Кетрин напиша пост на Instagram Story.
Во него, 42-годишната припадничка на британското кралско семејство призна дека користела алатки за уредување на фотографијата и се извини за забуните коишто ги предизвика со тоа.
„Како многу други аматери фотографи, понекогаш експериментирам со едитирање. Сакам да се извинам за секоја забуна која ја предизвика вчерашната споделена фотографија. Се надевам дека сите го слават и имаат среќен Ден на мајката“ – напиша таа.
На фотографијата, Кетрин позира со трите деца, принцезата Шарлот и принцовите Џорџ и Луи. Тоа беше првата официјална фотографија од принцезата на Велс по нејзината абдоминална операција која поттикна бројни шпекулации во јавноста.
Многу медиумски информативни агенции ја отстранија фотографијата откако стана јасно дека таа е коригирана.
Врз Кенсингтонската палата се вршат притисоци да биде објавена оригиналната фотографија со цел да се врати довербата на јавноста.
