Кристијано Роналдо тагува поради смртта на неговото новородено синче и заедно со семејството се обидува да ја преброди големата трагедија.
37-годишниот спортист не му се придружи на неговиот тим на фудбалскиот меч против Ливерпул, но сите присутни му испратија силна порака.
Навивачите на двата фудбалски тима обединети аплаудираа и пееја во седмата минута од мечот како поддршка на Роналдо. „You Will Never Walk Alone“ (Никогаш нема да чекориш сам) е песната на Ливерпул која ечеше на стадионот.
Сестрата на Роналдо, Елма, им се заблагодари на фановите на Ливерпул за поддршката која му ја дадоа на Роналдо и покрај тоа што тој е дел од тимот на ривалите Манчестер Јунајтед. „Благодариме Ливерпул за ова. Никогаш нема да заборавиме што направивте денес“ – стои во нејзината објава.
Роналдо и Џорџина Родригез очекуваа близначиња, но за жал изгубија едно од новородените бебиња.
