Во оазата за разубавување во „Жан Митрев“ пристигнаа најсилните адути на Sinclair, светска компанија со моќ да ни ја трансформира самодовербата и изгледот. Со свечена забава беше најавено доаѓањето на нови силни сојузници на естетските корекции од гигантското Sinclair портфолио.
Фантастична атмосфера и одлична музика ги стимулираше ентузијастите за новитети и поставување на светски стандарди за безвременска убавина и стил кај нас.
Талентиран гудачки квартет и Влатко Лозаноски – Лозано беа музички протагонисти на свечениот коктел на кој присуствуваше и основачот на Клиниката, д-р Жан Митрев.
Гостите ја имаа привилегијата да се запознаат со понудата на Sinclair која обединува уникатен микс на современи продукти и услуги, создадени ексклузивно за стручни лица со цел да им достават на клиентите долгорочни и извонредни резултати.
Во Центарот за естетска дерматологија при „Жан Митрев“ веќе се достапни дел од производите под капата на Sinclair. Имено, станува збор за дермалните филери на Lanluma, MaiLi и Ellansé, кои се асоцираат со премиум квалитет, примена на врвни технолошки достигнувања и индивидуален пристап во разубавувањето.
На забавата ѝ претходеше симпозиум и Sinclair College работилница со еминентни говорници од соседството – Кристина Давидовиќ и Злата Поповиќ.
Фото: Ерина Богоева / Femina.mk
