Стотици илјади Аргентинци излегоа на улиците на Буенос Аирес за да ја прослават историската победа на Светското првенство во фудбал.
Минути откако Лионел Меси и репрезентацијата го подигнаа пехарот во Катар, нивните обожаватели ја преплавија аргентинската метропола и цела вечер славеа. Фудбалот за голем дел од Аргентинците е речиси како религија, па не е ни чудо што навиваат со толкава љубов и страст за репрезентацијата.
Последен пат Аргентина победи на Светско првенство во фудбал во 1986 година, една година пред да се роди Лионел Меси.
