Универзитетската клиника за гинекологија и акушерство започна кампања под мотото „Месец на женското здравје“. Во текот на април, преку голем број на активности, кон женската популација ќе се испраќа пораката за важноста на редовните гинеколошки прегледи за зачувување и подобрување на женското репродуктивно здравје.
Како дел од кампањата, Фемина во соработка со Клиниката за гинекологија и акушерство ќе им овозможи на претставничките на понежниот пол да добијат стручни одговори на своите прашања поврзани со женското здравје.
Поконкретно, преку форумот на Фемина сите вие ќе можете да им поставувате прашања на гинеколози. Во текот на наредните четири недели, на вашите прашања ќе одговараат:
- Д-р Владимир Трајковски – прашања од областа на лапароскопија, стерилитет, хормонални нарушувања и сл.
- Д-р Горан Кочоски – прашања од областа на породување, безболно породување, царски рез.
- Д-р Игор Алулоски – прашања од областа на карцином, HPV, ЦИН I, II, III, конизација и сл.
- Д-р Марија Хаџи-Лега – прашања од областа на пренаталната дијагностика, односно ехо прегледи во бременоста, тестови за бременост и сл.
Докторите ќе одговараат на поставените прашања двапати неделно и тоа во среда и петок.
За да се консултирате со докторите, кликнете тука: Прашај гинеколог!
