Од Дизни секогаш знаат како да нè трогнат и да ни ги насолзат очите. Најновата реклама за ресортот „Волт Дизни“ не е исклучок.
Емотивното видео прикажува татко кој гледа старо видео од ќерката кога таа била малa додека таа се подготвува да замине далеку од дома, најверојатно на факултет. „Ќе ти недостигам“ – му вели девојката на татко си, а тој ѝ возвраќа низ солзи: „Нема ниту да забележам дека те нема“.
„Бидејќи се малечки само кратко време“ – пишува на крајот.
„Сега е совршено време да ја искусите магијата на ресортот Волт Дизни. Бидејќи сега нема да трае вечно“ – пишува во описот.
