„Globe Telecom“, една од водечките телекомуникациски компании од Филипини, ги обедини силите со „Disney Southeast Asia“ за нова кампања која несомнено ќе ве трогне.
Во видеото е прикажано девојче кое прави сè со маска од стормтрупер од „Star Wars“ на главата. Тоа е постојано придружувано и поддржувано од својот постар брат. Крајот на рекламата ја открива причината за маската и веројатно ќе ви ги насолзи очите. Погледнете:
Рекламата е дел од кампањата #CreateCourage, која ги поттикнува корисниците на социјалните мрежи да се фотографираат со шлем од стормтрупер, а еден од нив ќе добие можност да отпатува во САД. Дополнително, видеото сака и да ги инспирира луѓето да донираат средства за реновирање на детски оддел во филипинска болница.
