Сестринската љубов се раѓа на прв поглед и трае цел живот, а на тоа ќе ве потсети видео од неодоливи сестрички кое растопува срца низ светот.
Во него, малата Ела ѝ пее на новородената сеста Одри, галејќи ја на нозете, рачињата и главчето. Видеозаписот беше споделен на Facebook страницата „Love What Matters“ од мајката на девојчињата.
„Ова е мојата слатка Ела и нејзината новородена сестра Одри. Десет месеци подоцна, таа сè уште е слатка и нежна со неа. Овие мали девојчиња се мојот свет. Со нетрпение чекам да видам како ќе се развива нивната врска“ – напиша мајката Мери, која го снимила видеото пред 10 месеци, но сега одлучи да го објави на популарната социјална мрежа.
