Многу често, родителите им наметнуваат на нивните деца ставови за мажественоста, повторувајќи им реченици како „Биди маж“, „Мажите не плачат“ и сл., оттурнувајќи од нив сè што е „за девојчиња“.
Татко од Норвешка се бори против тие стереотипи, дозволувајќи му на синот да прави сè што му се допаѓа, без никакви родови предрасуди.
Видео на слаткото дуо неодамна стана вирален хит на социјалните мрежи и имаше милионска гледаност. Во него, таткото и неговиот 4-годишен син Декстер танцуваат и ја пеат „Let It Go“ од „Frozen“ облечени во фустани.
Видео
„Тој во моментов е најголемиот обожавател на Елза. Сметав дека можеби треба да се обидам да го видам тоа низ неговите очи. Децата не судат врз основа на пол. Тој само гледа нешто што е супер. За него, Елза е суперхерој.“
„Многу луѓе ги користат социјалните мрежи на негативен начин... Мислам дека е поважно да им дадеме нешто што ќе ги усреќи“ – рекол таткото откако видеото стекна светска популарност.
