Видео од 5-годишно момче од Авганистан, кое танцува откако доби нова протетичка нога, ќе ви го згрее срцето.
Радоста во неговите очи и насмевката на неговото лице нема да ве остават рамнодушни.
Имено, Ахмад Раман бил повреден кога имал само 8 месеци откако во неговото село започнала борба помеѓу авганистанските воени сили и Талибанците. За време на борбата, Ахмад бил погоден од куршум во ногата, по што таа морало да му биде ампутирана. Неговата сестра Салима исто така била застрелана во нозете и бубрегот.
Раман ја добил својата прва протетичка нога кога имал една година. Сега, на 5-годишна возраст, тој се радува што може да оди и танцува со нова протетичка нога.
Видеото беше споделено за да се подигне свеста за страдањата на децата во долгогодишниот конфликт.
