Внимателен младоженец ѝ приреди прекрасно изненадување на својата сакана на свадбата и заслужено доби аплаузи од присутните. Реакцијата на невестата е бесценета.
Кирк Хенинг, кој е професионален танчар, четири месеци работел на кореографијата и тајно им испраќал видео-туторијали на осум од своите најблиски пријатели и роднини. Иако само четворица од нив биле професионални танчари, сите дале максимум од себе за да го направат изненадувањето уникатно.
Кирк и Валери, која е балерина по професија, стапиле во брак во јули, на сцената која ја делеле додека работеле заедно како професионални танчари.
Видеото беше објавено од камерманката која го документирала свадбениот ден на Кирк и Валери.
