Менди Харви е инспиративна и талентирана девојка која одушевува и која ни покажува дека никогаш не треба да се откажуваме. 29-годишната Американка пред 10 години целосно го изгубила слухот, но продолжи да ја следи својата љубов и страст кон музиката.
Имено, Харви пеела од 4-годишна возраст, но кога на 18 години го изгубила слухот, таа морала повторно да научи да свири и пее, користејќи ја мускулната меморија и чувствувајќи ги вибрациите преку своите стапала.
Менди беше дел од аудициите на „America’s Got Talent“, каде ја изведе авторската песна „Try“ и ги освои срцата на жирито и публиката, но најмногу на строгиот Сајмон. Тој го притисна златното копче и ја испрати Менди директно во настапите во живо.
Погледнете ја нејзината изведба:
