Џулиен Мајклс е фитнес гуру чиј потпис стои на безброј фитнес програми коишто даваат импресивни резултати. 41-годишната ѕвезда е заслужна за позитивните промени во изгледот на илјадници лица.
За новото издание на списанието „Shape“, Мајклс ги сподели вежбите со кои го обликува своето тело. Ефективните движења за кои не е потребна специјална опрема ги следат принципите на програмата Bodyshred, развиена од самата Мајклс.
Секоја од вежбите треба да ја правите колку што можете повеќе пати во текот на 30 секунди. Целата серија повторете ја 4 пати. За максимални резултати, вежбајте четири пати неделно, секој втор ден.
1
Застанете во положба за „планк“. Левата дланка поставете ја на подот пред градите, така што прстите да ви бидат насочени надесно. Десната дланка поставете ја пред левата (положба А).
Свиткајте ги лактите и спуштајте го телото надолу додека подлактиците нè легнат на подот (положба В). Притискајќи на подот подигнете го телото повторно нагоре. Повторувајте на вежбата 30 секунди.
2
Застанете исправени, при што нозете да ви се на ширина на колковите, а прстите на нозете насочени настрана. Чучнете колку што можете пониско. Рацете испружете ги пред себе и спојте ги дланките (положба А).
Скокнете колку што можете повисоко (положба В). Застанете во првобитната положба. Повторувајте ја вежбата 30 секунди.
3
Легнете на грб. Свиткајте ги нозете, а рацете испружете ги покрај телото. Подигнете ги колковите нагоре за телото да оформува права линија од колената до рамената. Испружете ја десната рака над главата и поставете ја дијагонално, при што дланката да лежи на подот (положба А).
Вратете се во првата положба и повторете го истото движење со левата рака. Потоа, испружете ја десната нога во дијагонала, притискајќи на подот со страничниот дел на стапалото (положба В). Направете го истото и со левата нога. Повторувајте го ова движење 30 секунди.
4
Седнете со свиткани колена. Стапалата да ви лежат на подот, а дланките да ви бидат поставени до колковите. Притиснете со дланките и подигнете ги колковите нагоре, за да заземете положба „маса“. Подигнете ја и испружете ја десната нога (положба А).
Додека телото ви е подигнато, вратете ги колковите наназад помеѓу рацете (задникот и десната нога не треба да го допрат подот) (положба В). Вратете се во првата положба за да ја завршите вежбата. Повторувајте ја 30 секунди, а потоа направете ја и со левата нога.
5
Застанете во положба страничен „планк“, при што десната нога да ви биде поставена пред левата, а десната рака испружена нагоре (положба А).
Бавно започнете да го вртите телото кон положба „планк“ на една рака, а со десната рака посегнете преку градите налево (положба В). Вратете се во првата положба. Повторувајте ја вежбата 30 секунди со десната рака, а потоа исто толку со левата.
6
Застанете исправени. Рацете нека ви бидат покрај телото. Наведнувајте се нанапред додека трупот не ви биде паралелен на подот, а во меѓувреме подигајте ја левата нога за да постигнете Т-форма. Испружете ги рацете нанапред и спојте ги малите прсти (положба А).
Испружените раце придвижете ги наназад и спојте ги палците над задникот (положба В). Вратете се во првата положба. Повторувајте ја вежбата 30 секунди. Потоа, повторете го истото, стоејќи на левата нога.
7
Застанете исправени, при што нозете да ви бидат на ширина на колковите, а рацете слободно пуштени покрај телото. Скокнете колку што можете повисоко, носејќи ги десната рака и левото колено нанапред, а левата рака и десната петица кон задникот (положба А).
Повторувајте 30 секунди, а потоа променете ги страните.
