Стомакот е една од проблематичните зони за повеќето жени. Пасивниот начин на живот, стресот и консумацијата на нездрава храна се главни виновници за големото стомаче.
Доколку и вие го имате овој проблем, прво и основно што треба да знаете е дека рамниот стомак се добива преку вежбање на целото тело, а не само преку правење на колку што е можно повеќе вежби за стомачните мускули. Вие може да ги поседувате најсилните стомачни мускули, но ако тие се прикриени под масните наслаги, никој нема да знае дека ги имате.
Вежбите за стомачни мускули треба да бидат дел од секоја фитнес програма. Но, за да ги обликувате стомачните мускули, не треба да правите само стандардни стомачни вежби, туку треба да практикувате вежби за целото торзо. Еве неколку вежби кои ќе ви помогнат да го постигнете тоа.
Легнете на грб и испружете ги рацете над главата, така што дланките да ви бидат насочени нагоре. Стегнете ги стомачните мускули и едновремено започнете да ги носите колената кон градите, а рацете нанапред, подигајќи го малку горниот дел од телото. Треба да ја достигнете положбата прикажана на сликата.Задржете се во таа положба 5 секунди и повторно легнете на подот. Повторете ја оваа вежба 12 пати.
Легнете на грб и раширете ги рацете и нозете. Вашето тело гледано одгоре треба да има форма како „Х“. Истовремено започнете да го подигате горниот дел од телото и нозете. Ставете ја левата нога пред десната и подигајте ги нозете додека не бидат под агoл од 90° со подот. За тоа време подигајте го горниот дел од телото, спојте ги дланките и носете ги на левата страна (како на сликата).Вратете се во првобитната положба и повторете ја вежбата на другата страна. Направете 16 повторувања (8 налево и 8 надесно).
Легнете на подот, подигнете ги нозете и потпрете ги на работ на стол. Рацете треба да ви бидат покрај телото, а нозете не треба да ги свиткувате. Стегнете ги мускулите на задникот и бутовите и започнете да го подигате задникот нагоре. Истовремено подигајте ги и рацете. Потребно е да дојдете во положбата покажана на сликата.Задржете се 2-3 секунди и вратете се во првобитната положба. Повторете ја вежбата 12 пати.
Легнете на подот, подигнете ги нозете и потпрете ги на работ на стол. Земете крпа или стап во рацете и испружете ги над главата. Започнете да се подигате нагоре, вртејќи го торзото налево, додека не дојдете во положбата прикажана на сликата.Потоа вратете се во почетната положба и започнете повторно да се подигате, овој пат вртејќи се надесно. Направете 16 повторувања (8 налево и 8 надесно).
Клекнете на подот и ставете ги дланките зад главата. Држете ги колковите стабилни, стегнете ги стомачните мускули и свиткајте го горниот дел од телото кон папокот (како на сликата). Потоа исправете се.Направете 12 вакви контракции на стомачните мускули.
