Џенифер Лопез е вљубена до уши и не го крие тоа. 49-годишната пејачка ја одбележа втората годишнина од врската со Алекс Родригез со емотивна порака.
Музичката ѕвезда сподели и фотографии со својот сакан.
„Две години смеа. Две години забава. Две години исполнети со авантури, со возбуда од созревањето и учењето, со вистинско пријателство и со премногу љубов.“
„Ти го правиш мојот свет поубаво, побезбедно и постабилно место. Во екот на нашиот променлив и динамичен живот, ти правиш да се чувствувам повторно како тинејџерка.“
„Секојпат кога ќе помислам дека комплетно те познавам, ти ме изненадуваш на најубавите можни начини, потсетувајќи ме колку благословена сум што те најдов сега, во овој момент, во ова време... наше време. Те сакам“ – стои во постот на Џеј Ло на Instagram.
Откако се заедно, Џенифер и Алекс се неразделни. Тие имаат по две деца од претходни бракови.
