Веќе подолго време се шпекулираше за постоењето на проблеми во врската на Џастин Тимберлејк и Џесика Бил и се зборуваше дека нивните заеднички појавувања пред јавноста се само фарса. Сега нивната разделба е официјална.
Претставник на славниот пар потврди дека Џесика и Џастин решиле да се разделат.
Британскиот DailyMail ексклузивно објави дека причина за разделбата било однесувањето на Џастин на неговата неодамнешна роденденска забава.
Џесика Бил и Џастин Тимберлејк
Џесика му организирала забава на Џастин за неговиот 30-ти роденден. Додека таа кажувала здравица, раскажала дека на почетокот на врската го бркала Џастин, раскажала колку е заљубена во него и колку ѝ значи. На крајот од нејзиниот говор, Џастин станал и извикал: „Yeah bitches!“.
„Беше многу непријатна ситуација. Реакцијата на Џастин беше неучтива. Тој само ја исмеа“ – изјавил сведок за DailyMail.
Но, според странските медиуми, ова не е единствениот проблем во нивната врска. Минатата година тие краток период беа разделени, а нешто подоцна се појавија гласини дека Џастин ја изневерува Џесика со Оливија Мун.
Која е вистината не се знае. Единствено што се знае е дека Џастин и Џесика се повторно сингл.
