Џенифер Лопез изгледа како вистинска секси божица на фотографиите за февруарското издание на „Harper's Bazaar“.
Облечена во гламурозни креации на Версаче, Том Форд, Фенди и Пако Рабан, 43-годишната пејачка блеска на фотографиите од модниот едиторијал направен во Истанбул, Турција.
Фотосесијата била направена за време на светската турнеја на Џеј Ло. Во Истанбул таа престојувала заедно со двете мали близначиња, своето момче Каспер Смарт и својата мајка Гвадалупе.
Кога станува збор за 18 години помладиот Каспер Смарт, Џенифер изјавила дека го чувствува како најдобар другар. „Тој е фантастичен. Тој ми е како најдобар пријател. Можам да му кажам сè, кога сум тажна, кога се чувствувам добро. Тој ми дава морална поддршка, бескрајна љубов и поддршка“ – рекла таа.
На прашањето што го вади најлошото и најдоброто од неа, таа одговорила: „Најлошото е кога сум уморна. Тоа е поради прекумерната работа, на што научив да велам не. Мислам дека сум најдобра кога давам љубов.“
Погледнете и видео од „зад сцената“ во Истанбул:
