Лејтон Мистер блеска во цветен фустан на рекламната фотографија за парфемот „Lovestruck Floral Rush“ од Вера Ванг.
Ѕвездата од серијата „Gossip Girl“ позира на балкон до згоден манекен кој заљубено гледа во нејзиното лице. Цветниот фустан кој ги истакнува облините на Лејтон бил извор на инспирација за дизајнот на шишенцето на парфемот.
Инспирацијата за новата арома е приказна за Ромео и Јулија од модерното време, која ги уловува возбудата и бранот адреналинот предизвикани од љубовта на прв поглед.
Минатата година младата актерка беше заштитно лице на парфемот „Lovestruck“. Очигледно Вера Ванг е воодушевена од Лејтон-ефектот, па нивната соработка продолжува.
