Кети Пери во моментов го освојува светот со својот уникатен стил и неверојатно силна појава. Но, многу би било тешко да го кажеме истото ако ја оценуваме 26-годишната пејачка според тоа како изгледала пред да стане славна.
Кети Пери пред да стане славна
На 29. декември на телевизијата E! Entertainment ќе биде прикажана специјална емисија за Кети Пери во која ќе биде покажано досега необјавено домашно видео од Кети Пери пред да стане славна.
На фотографиите кои претставуваат кадри од снимката, Кети Пери е скоро непрепознатлива, со природна руса коса и без шминка.
Во минатото Кети Пери била позната како Кети Хадсон и израснала во вистинско христијанско семејство. Нејзините родители ѝ поставувале многу строги правила, како на пример – да слуша само госпел музика.
Емисијата ќе го прикажува животот на Кети од детството до денес, вклучувајќи изјави од најблиските луѓе во нејзиниот живот.
