Викторија Бекам ѝ се придружи на Ева Лонгорија на хуманитарна гала на „Global Gift Foundation“, непрофитна организација фокусирана на олеснување на животот на деца, жени и семејства.
На свеченоста која се одржа во Лондон, двете пријателки се појавија во црни креации од ателјето на Викторија Бекам.
„Уште една забавна вечер со мојата најдобра пријателка Викторија Бекам за собирање пари за добротворни цели! Те сакам тебе и твојата душа ВБ!“ – напиша Ева на Instagram.
Меѓу гостите беше и Дејвид Бекам.
Лонгорија непрекинато соработува со „Global Gift Foundation“, инспирирана од нејзината сестра со посебни потреби.
