Вита Сидоркина пред неколку месеци беше мета на многу критики поради преслабата фигура. Моделот на Victoria’s Secret во декември беше фотографиран додека снимаше фотосесија на плажа, а тогаш многумина се согласија дека изгледа нездраво и дека е на работ на анорексија.
Пред два дена, 22-годишната Русинка беше уловена од папараците додека позираше во костими за капење од VS. Новите фотографии покажуваат дека популарната манекенка ја зголемила телесната тежина и нејзините фанови веднаш ја опсипаа со комплименти.
Вита е жив пример дека „анорексичниот“ изглед, кој е почитуван во модната индустрија, не изгледа ни оддалеку привлечно како здравиот изглед, кој не вклучува изразена клучна коска, испакнати колена и колкови и видливи ребра.
Ова најверојатно е и последната колекција костими за капење на Victoria’s Secret. Сè посилни се гласините дека познатиот бренд ќе се фокусира само на долна и спортска облека и дека ќе ја прекине линијата костими за капење.
